Dirəklərin işıqla imtahanı – Hövsanın qaranlıq yollarından REPORTAJ

Paytaxtın bir sıra ərazilərində axşam və gecə saatlarında avtomobil sürmək çətinləşir. Buna səbəb yol boyunca qoyulan işıq dirəklərinə elektrik enerjisinin verilməməsidir.

Çəkiliş apardığımız Suraxanı rayonu, Hövsan qəsəbəsində də analoji hal hökm sürür. Yol boyunca müşahidə etdiyimiz mənzərə bunu deməyə əsas verir ki, yollarda işıq dirəkləri olsa da, asfalt örtük yalnız avtomobil işıqları ilə aydınlanır.

Bu isə həm piyadalar, həm də sürücülər üçün kifayət qədər təhlükə mənbəyidir. Sakinlər və sürücülər də həmin yolda tez-tez ölümlə və xəsarətlə nəticələnən yol-nəqliyyat hadisələrinin baş verdiyini deyir.

Sərnişin və sürücülərin öhdəsinə isə dirəklərə elektrik verilənədək Hövsan yolunda maksimum diqqətli hərəkət etmək düşür.

Kamil Əmirli

Elşad Mətləboğlu