İki tələbənin öldüyü dəhşətli qəzanın anbaan görüntüsü
Binəqədi rayonunda ölümlə nəticələnən yol-nəqliyyat hadisəsinin baş verib.
Belə ki, daş bazarı adlanan ərazidə “KamAZ” markalı yük maşını işıqforun yaşıl işığından keçərək yoluna davam edib. Bu zaman nəqliyyat vasitəsinin qarşısına 2 nəfər çıxıb.
Hadisə şahidlərinin bildirdiyinə görə, sözügedən yolda işıqlanma zəif olduğundan və piyada keçidi olmadığından yük maşını piyadaları görməyib və onları vurub.
Hər iki şəxs aldıqları xəsarətlərdən hadisə yerində keçinib.
Məlumata görə, ölənlər 1 qız və 1 oğlan olub. Onların tələbə olduğu bildirilir.
Əraziyə Binəqədi Rayon Polis İdarəsinin və prokurorluq əməkdaşları cəlb olunub.
Hər iki şəxsin meyiti aidiyyatı üzrə Məhkəmə Tibbi Ekspertiza və Patoloji Anatomiya Birliyinin Binəqədi Rayonu üzrə Şöbəsibə təhvil verilib.
Hadisənin təfərrüatı araşdırılır.
Kamil Əmirli
Elşad Mətləboğlu