Bakıda 2 nəfər bıçaqla insanlara hücum edib
Səbail rayonunda 2 nəfər bıçaqlı şəxs insanlara hücum edib.
Hadisə Nizami küçəsində baş verib.
Belə ki, 2 nəfər yarıçılpaq vəziyyətdə olan şəxs əvvəlcə insanları təhdid edib. Onlar daha sonra əllərindəki bıçaqla ətrafdakılara hücum etməyə cəhd göstəriblər.
Əraziyə Səbail Rayon Polis İdarəsinin əməkdaşları cəlb olunub.
Baş verənləri küçədə olan şəxslərdən biri kamerası ilə lentə alıb. Kadrlardan da görünür ki, əli bıçaqlı şəxslər onları sakitləşdirməyə çalışan asayiş keşiçkilərinə də hücum edib.
Bu zaman xuliqanlar bıçaqla özlərinə xəsarət yetiriblər.
Polis əməkdaşları həmin şəxslərin saxlanılması istiqamətində əməliyyat keçirərək həmin şəxsləri tutublar.
Onlar dindirilmək üçün Səbail Rayon Polis İdarəsinin 39-cu Polis Bölməsinə aparılıb.
İlkin məlumata görə, həmin şəxslər alkoqollu içkinin və ya narkotik maddənin təsiri altında olublar.
Hadisənin təfərrüatı araşdırılır.