Cəmiyyət
Pleyeri seçin:
Fuad Abbasov azadlıqdadır
Rusiyanın hüquq-mühafizə orqanları tərəfindən saxlanılmış, paytaxt Moskvada yaşayan və fəaliyyət göstərən azərbaycanlı jurnalist Fuad Abbasov artıq azadlıqdadır. Bu barədə jurnalist özü sosial şəbəkədə paylaşım edərək, məlumat verib:
“Artıq azadlıqdayam, evimdəyəm, heç bir narahatlıq yoxdur. Heç kimin mənim üçün narahat olmağını istəmirəm. Bilirəm, mənim üçün narahat olanlar çox olub. Hər kəsə minnətdaram. Telefonumda düz 1587 cavabsız mesaj var. Bazar günü canlı yayıma çıxacam. Demək istəyirəm ki, narahat olmayın, hər şey Rusiya qanunvericiliyinə uyğun şəkildə başa çatıb.Dostlarım da yanımdadır və mən evimdəyəm”, - deyə jurnalist bildirib.
Tanınmış jurnalist Fuad Abbasov mayın 16-da Moskvada hüquq-mühafizə orqanlarının əməkdaşları tərəfindən saxlanılmışdı. Onun mayın 28-də Azərbaycana deportasiya olunması gözlənilirdi. F.Abbasov miqrasiya qanunvericiliyini pozmaqda təqsirli bilinirdi.
Kopyalandı
Seçilmişlər