Ana səhifə Cəmiyyət Bakıda ilk Qədr gecəsi keçirilib
Ölçünü dəyiş

Bakıda ilk Qədr gecəsi keçirilib

Cəmiyyət
25 May 2019, 05:53
58 görüntü
0
Paylaş:

Bu gecə Azərbaycanda Ramazan ayının ilk əhya gecəsi qeyd olunacaq.

İkinci Əhya gecəsi mayın 25-dən 26-na, üçüncüsü 27-dən 28-nə keçən gecəyə təsadüf edir.

Sonuncu Əhya gecəsi Ramazan ayının 26-cı günü, yəni mayın 31-dən iyunun 1-nə keçən gecəyə təsadüf edəcək.

Qədr gecəsi Allahın kitabı “Quran”ın nazil olduğu gecədir. “Qurani-Kərim” İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.

Qədr gecəsinin konkret hansı gecə olması mübahisəlidir. Amma İslam peyğəmbəri və imamlardan gələn rəvayətlərə görə, Qədr gecəsi Ramazan ayının 19, 21, 23-cü və bəzi hədislərə əsasən, 26-cı gecələrindən biridir. Bu gecələr həm də “Əhya gecələri” adlanır.

Əhya gecəsində səhərə qədər oyaq qalmaq və ibadətlə məşğul olmaq böyük savab sayılır.

Qeyd edək ki, Şəvval ayının 1-i, yəni iyunun 5-i Fitr bayramıdır. Ramazan bayramı isə iyunun 5-6-da qeyd olunacaq.

 

Kamil Əmirli

Elşad Mətləboğlu

Şərhlər