Gəncə - Qazax - Gürcüstan magistral yolunun tikintisi davam edir

Gəncə - Qazax - Gürcüstan magistral avtomobil yolunun tikintisinə başlanılıb. Azərbaycan Avtomobil Yolları Dövlət Agentliyinin sifarişi əsasında çəkilən yolun tikintisi sürətlə həyata keçirilir.

Hazırda magistral yolun Gəncə -Zəyəm hissəsində körpü və su ötürücü boruların tikntisi nəzərdə tutulub. Bu istiqamətdə işlərin demək olar ki, 20 faizi yekunlaşıb.

Yolun çəkilməsi işləri yanvar ayından başlayıb. Layihəyə əsasən, avtomobil yolunun müəyyən hissəsində 5 çay üzərindən keçməklə, 12 körpünün tikintisi planlaşdırılıb. Ən böyük körpü isə Şəmkir çayı üzərindən keçəcək.

Bundan əlavə, yol boyunca ümumilikdə, 22 yeraltı keçid də inşa ediləcək. İş icraçısı Fərid Dünyamalıyevin sözlərinə görə, layihə reallaşdırılması zamanı ətraf mühitin qorunmasına xüsusi diqqət yetirilir.

Gəncə - Qazax – Gürcüstan magistral avtomobil yolunun ümumi uzunluğu 130 km-dir. Tikintini aparan 3 şirkət tərəfindən işlərin tez bir zamanda yekunlaşdırılması üçün bütün lazımi tədbirlər həyata keçirilir. Avtomobil yolu ən müasir tələblərə cavab verəcək. İşlər beynalxalq standartlara uyğun olaraq aparılır.

Nazir Quliyev