Azərbaycan Yüksəliş Partiyasının sədri Anar Əsədli həbs edildi

Azərbaycan Yüksəliş Partiyasının sədri Anar Əsədli həbs edilib.

Nərimanov Rayon Məhkəməsində keçirilən prosesdə Anar Əsədli barəsində 3 aylıq həbs qətimkan tədbiri seçilib.

Baku TV-nin əldə etdiyi məlumata görə, partiya sədri dələduzluqda ittiham edilir. Onun barəsində Cinayət Məcəlləsinin 178-ci (dələduzluq) maddəsi ilə cinayət işi başlayıb.

Qeyd edək ki, A.Əsədli bir müddət əvvəl də tanışları Oqtay Qasımov və İlham Hüseynovun şikayətləri əsasında DİN-in Baş Mütəşəkkil Cinayətkarlıqla Mübarizə İdarəsinə çağırılmışdı.

Ümumilikdə Anar Əsədli barəsində 4 şikayətçi var. O, həmin şəxslərdən külli miqdarda pul alıb geri qaytarmamaqda ittiham edilir.

Əlavə edək ki, bu işlə əlaqədar onun ölkədən çıxışına qadağa qoyulub.