DİM I və IV ixtisas qrupları üzrə qəbul imtahanı keçirəcək

Dövlət İmtahan Mərkəzi I və IV ixtisas qrupları üzrə ali təhsil müəssisələrinə qəbul imtahanı keçirir.

Qurumdan bildirilib ki, I ixtisas qrupu üzrə imtahanda 30 058, IV ixtisas qrupu üzrə imtahanda isə 5 908 nəfər olmaqla, ümumilikdə 35 966 abituriyentin iştirakı nəzərdə tutulur. İmtahanda 43 nəfər sağlamlıq imkanları məhdud abituriyent də iştirak edəcək.

Bakı, Naxçıvan, Gəncə, Şəmkir, Qazax, Ağstafa, Sumqayıt, Abşeron, Şamaxı, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı və Xaçmazda təşkil olunan imtahan saat 10:00-da başlayacaq.