Nazirlər Kabinetindən sosial yardımla bağlı dəyişiklik

Ünvanlı sosial yardım almaq asanlaşır.

Nazirlər Kabinetinin etdiyi dəyişikliklərə görə, ailə tərkibi və yaşayış ünvanı dəyişməyibsə, ailədə üç və daha çox uşaq, yaxud birinci, ikinci qrup əlilliyi olan şəxs varsa, yardım üçün təkrar müraciət edildikdə onların maddi-məişət şəraiti yoxlanılmayacaq.

Eyni zamanda artıq ailə tərkibində yardımın dayandırılması və məbləğinin dəyişdirilməsinə səbəb ola biləcək hal baş verdikdə ödənişin verilməsi kəsilməyəcək. Həmçinin ailənin gəlirlərində dəyişiklik olarsa, elektron sistem tərəfindən 15 gün ərzində onun yardım almaq hüququna yenidən baxılacaq.

Qeyd edək ki, 2006-cı ildən verilməsinə başlanılan sosial yardımın hər ailəyə düşən orta aylıq məbləği hazırda 478 manatdır. 300 minə yaxın şəxs bu yardımla əhatə olunub.