S-400 raketləri hərbi təlimlərdə nümayiş etdirilib
Rusiyada keçirilən hərbi təlimlər zamanı S-300 və S-400 hava müdafiə sistemləri nümayiş etdirilib.
Rusiyada keçirilən və Çin, Qırğızıstan, Pakistan, Hindistan, Qazaxıstan, Tacikistan və Özbəkistan hərbi qüvvələrinin də iştirak etdiyi “Mərkəz 2019” Beynəlxalq Hərbi Təlimləri davam edir.
Rusiya Müdafiə Nazirliyinin təşkilatçılığı ilə baş tutan və sentyabrın 16-dan 21-dək davam edəcək təlimlərdə ümumilikdə, 128 min əsgər, 20 mindən çox hərbi silah, 600 hərbi təyyarə və 15 gəmi iştirak edir.
Nazirliyin verdiyi məlumata görə, “Mərkəz 2019” hərbi təlimlərinin əsas məqsədi Orta Asiyanın təhlükəsizliyi və beynəlxalq terrorizmlə mübarizədir.
Təlimlər çərçivəsində eyni zamanda, hərbi hava müdafiə sistemləri olan S-300 və S-400 raketləri də nümayiş etdirilib. Raket sistemləri əvvəlcədən təyin edilmiş hədəfləri tam dəqiqliklə vuraraq sınaqdan uğurla çıxıb.
Kamil Əmirli