Ana səhifə Dünya Hərbi əməliyyatlar zamanı 181 hədəf məhv edilib
Ölçünü dəyiş

Hərbi əməliyyatlar zamanı 181 hədəf məhv edilib

Dünya
10 Oktyabr 2019, 04:52
8,426 görüntü
0
Paylaş:
Türkiyə hərbi qüvvələrinin Suriya ilə sərhəd ərazilərdə başladığı "Barış pınarı" hərbi əməliyyatları davam etdirilir.
 
Əməliyyatlar eyni anda havadan və qurudan aparılır. Türkiyə Müdafiə nazirliyinin yaydığı məlumata görə, F-16 hərbi təyyarələri əməliyyatlar çərçivəsində PKK terror qruplaşmasına məxsus 181 hədəfi məhv edib.
 
Hərbi təyyarələr Suriya ilə sərhəd rayonlarından olan Şanlıurfanın Akçakale, Kamışlı, Derik və digər kəndlərində əməliyyatları davam etdirir.
 
PKK üzvləri Türkiyəyə məxsus təyyarələrin görüntü məsafəsinə maneə yaratmaq üçün yanğınlar törədib.
 
Türkiyə Müdafiə nazirliyindən bildirilib ki, "Barış pınarı" hərəkatı çərçivəsində Türkiyə hərbi qüvvələri və Suriya Milli Ordusu birgə əməliyyatlar keçirir. Əməliyyatların əsas məqsədi Türkiyənin cənub sərhəddində yaradılması planlaşdırılan "terror dəhlizini" aradan qaldırmaq, sərhəd bölgəsində başda PKK olmaqla, bütün terror təşkilatlarını məhv etmək, eyni zamanda, yurdundan didərgin düşmüş Suriya xalqını təhlükəsiz şəkildə yenidən ölkəsinə qaytarmaqdır.
 
Kamil Əmirli
Şərhlər