İğtişaşlarda 40 nəfər ölüb, 2300-dən çox şəxs yaralanıb

İraqın paytaxtı Bağdadda hökumət əleyhinə baş verən iğtişaşlarda ölənlərin və yaralananların sayı durmadan artır.

Bu barədə İraqın İnsan Hüquqları üzrə Ali Komissarlığı məlumat yayıb.

Bildirilib ki, son 24 saat ərzində baş verən qarşıdurmalar zamanı ümumilikdə, 40-dan çox vətəndaş ölüb, 2300-dən çox adam yaralanıb.

Təhlükəsizlik qüvvələri əksəriyyətini şiələrin təşkil etdiyi və müxtləlif siyasi partilayara məxsus qruplaşmalara qarşı qaz bombası və plastik güllələrlə atəş açıb.

Müxaliflərin hökumətə qarşı Divaniyə, Misan, Vasıt, Zikar, Bəsrə şəhərlərində keçirdikləri etiraz nümayişlərində ümumilikdə, 50 siyasi partiya və hökumət binası yandırılıb. Bağdad daxil olmaqla, iğtişaşların baş verdiyi bütün şəhərlərdə komendant saatı elan edilib.

Kamil Əmirli