Venesiya şəhəri daşqın sularının altında qalıb

İtaliyanın Venesiya şəhəri güclü daşqın səbəbindən su altında qalıb. Suyun səviyyəsi 130 sm-ə qədər yüksələrək kritik vəziyyət yaradıb.

Müqəddəs Mark meydanının üçdə biri, eləcə də, eyniadlı kilsə də su altında qalıb. Şəhərdə uzunboğaz çəkmələrdə və xüsusi döşənəklərdə hərəkət etmək olur.

Venesiyada baş verən daşqınların güclü yağışlar səbəbindən dəniz səviyyəsinin yüksəlməsi ilə əlaqələndirilir.

Şəhər rəhbərliyi tezliklə fəsadların aradan qaldırılacağını bildirib. Həmçinin qeyd edilib ki, bu cür halların baş verməməsi üçün iki il sonra xüsusi müdafiə-maneə sistemləri quraşdırılacaq.