ABŞ Boris Yeltsinə nə söz vermişdi? | Detallar açıqlandı
ABŞ Milli Təhlükəsizlik Arxivi Moskva ilə Vaşinqton arasında NATO məsələsi ilə bağlı münasibətlərə aid məxfilikdən çıxarılan sənədlərin bir hissəsini dərc edib.
Nəşr edilmiş sənədlərdən bəlli olur ki, ABŞ-nin ozamankı vitse-prezidenti Albert Qor 1994-cü ilin sonunda Rusiya Prezidenti Boris Yeltsinə NATO-nun genişlənməsinin tədricən və yalnız Moskva ilə məsləhətləşmələrdən sonra baş verəcəyinə söz verib.
“Klintonun sentyabrda sizə dediyi kimi, NATO nəhayət genişlənəcək, lakin bu proses tədricən və açıq olacaq”, – deyə A.Qor ABŞ dövlət katibinin o vaxtkı müavini Strob Talbotdan sitat gətirir. “Biz sizinlə məsləhətləşəcəyik”, – A.Qor vurğulayıb.
Bundan əlavə, qeyd olunur ki, A.Qor B.Yeltsini əmin edib ki, proses ABŞ-Rusiya tərəfdaşlığının, eləcə də Rusiya-NATO tərəfdaşlığının dərinləşməsi ilə paralel aparılacaq.
Albert Qorla Boris Yeltsin arasında söhbət Rusiya Prezidenti xəstəxanada olarkən baş verib.