BMT İrandakı edamların statistikasını açıqladı

Birləşmiş Millətlər Təşkilatının İnsan Haqları üzrə Ali Komissarlığı İrandakı edamların statistikasını açıqlayıb.

Bildirilib ki, son 5 ay ərzində İranda 209 nəfər edam edilib. Edam olunanların əksəriyyəti narkotik istifadəçiləri və etnik azlıqlardır.

Bu barədə BMT-nin İnsan Haqları üzrə Ali Komissarı Volker Türk məlumat verib. Ali komissar qeyd edib ki, 2023-cü ilin statistikasına görə, İranda hər həftə orta hesabla 10 nəfər edam edilir. “Bu statistika dəhşətlidir. İran edamları dayandırmalıdır”, – deyə o əlavə edib.

Volker Türk İran hökümətinin siyasətinin qeyri-şəffaf olduğunu əsas gətirərək bildirib ki, göstərilən rəqəmlər həqiqəti əks etdirmir və daha çox olduğu güman edilir.