Pleyeri seçin:
Hakan Fidan Rusiya-Ukrayna müharibəsindən danışdı
“Türkiyə 2025-ci ilin sonuna qədər Rusiya-Ukrayna müharibəsinin həlli ilə bağlı irəliləyişin olacağına ümid edir”.
Bu barədə Türkiyənin xarici işlər naziri Hakan Fidan "Ülke TV"yə müsahibəsində deyib.
O xatırladıb ki, Rusiya və Ukrayna nümayəndə heyətləri arasında İstanbulda mühüm danışıqların üç raundu keçirilib.
"Türkiyə Rusiya və Ukrayna arasında müharibənin dayandırılmasına lazımi töhfə verməyə hazırdır və ilin sonuna qədər bu istiqamətdə müsbət addımların atılması barədə ümidliyəm", – deyə H.Fidan bildirib.
Xarici işlər naziri onu da əlavə edib ki, Türkiyə Ukraynada davam edən müharibəni qiymətləndirərək hər hansı bir yolla atəşkəs olması və münaqişəyə son qoyulması üçün zəruri addımları atacaq.
“Müttəfiqlərin bu zamana qədər gördüyü işləri vurğuladıq və onların Ukraynanın uzunmüddətli sabitliyinə necə töhfə verəcəklərini də araşdırdıq”, – deyə H.Fidan əlavə edib.
Kopyalandı
