İndoneziyada insanlar deputatların maaşlarının artmasına qarşı çıxıb
İndoneziyada iyun ayından başlayan və iqtisadi bərabərsizlik, parlament üzvlərinin maaş artımı, əmlak vergisi və parlamentə verilən mənzil ödənişinə qarşı formalaşan iğtişaşlar inqilab həddinə çatıb.
Avqustun 28-də taksi sürücüsünün zirehli polis avtomobili ilə vurularaq həyatını itirməsindən sonra kütləvi narazılıq başlayıb.
Cakartada insanlar parlament binası qarşısında toplaşıb. Polis su şırnağı və gözyaşardıcı qazla müdaxilə edib və bundan sonra izdiham genişlənib, nəticədə nəqliyyatın hərəkəti iflic olub və şəhərdə gərginlik artıb.
Makassar şəhərində etirazçıların şəhər şurası binasında törətdikləri yanğın nəticəsində 3 nəfər ölüb, 5 nəfər xəsarət alıb. Avqustun 31-dən etibarən etiraz dalğası ölkənin bir çox bölgəsinə yayılıb.
Hökumət bərabərlik və stabillik mesajları verməyə başlayıb. Belə ki, Prezident deputatlara verilən 3 min dollarlıq mənzil ödənişi və xarici səfərlər kimi imtiyazları ləğv edib.
Qeyd edək ki, bu etiraz dalğası hökumətə bir neçə istiqamətdə ziyan vurub. Səhm bazarı 3%-dən çox dəyər itirib. Ölkədəki daxili vəziyyətə görə, İndoneziya Prezidenti Çinə səfərini ləğv etməli olub.
#İndoneziya teqi istifadə olunub
- Daşqın qurbanlarının sayı 900-ü keçdi
- Torpaq sürüşməsi və daşqınlar zamanı 2700 nəfər... | İndoneziya
- İndoneziyada daşqın və torpaq sürüşmələrinin fəsadları davam edir
- Cənub-Şərqi Asiyada dəhşətli fırtına | Ölənlərin sayı durmadan artır
- Daşqın və sürüşmədən sonra adanın bəzi yerləri ilə əlaqə kəsilib
