NATO ilə yaxınlıq Yaponiyanı Rusiya ilə üz-üzə qoydu

“Rusiya Yaponiya rəhbərliyinin NATO ilə yaxınlaşma ehtimalı ilə bağlı bütün hərəkətlərini diqqətdə saxlayır”.

Bu barədə Rusiya xarici işlər nazirinin müavini Andrey Rudenko məlumat verib.

Bildirib ki, rəsmi Moskva lazım gələrsə, Tokionun hərbi-texniki sahədəki hərəkətlərinə cavab verəcək.

“Biz praktiki işlərimizdə bütün bəyanatları nəzərə alacağıq və Yaponiyanın bu hərəkətlərindən sonra bir sıra kompleks tədbirlər görəcəyik”, – deyə nazir müavini Yaponiyanın Baş naziri Fumio Kisidanın Şimali Atlantika Alyansı ilə əməkdaşlığı gücləndirmək niyyətində olması ilə bağlı bəyanatlarını şərh edərkən bildirib.