Ölkəni birləşdirmək üçün... | Bayden ABŞ xalqına müraciət etdi

ABŞ Prezidenti Co Bayden xalqa müraciət edib.

C.Bayden ilk növbədə amerikalıları prezident seçkisində ABŞ-nin vitse-prezidenti Kamala Harrisi dəstəkləməyə çağırıb.

“Mən öz seçimimi etdim, indi seçim sizindir, Amerika xalqı”, – deyə Ağ Evin rəhbəri bildirib.

O, K.Harrisi təcrübəli, güclü və bacarıqlı siyasətçi adlandırıb.

C.Bayden ölkə əhalisinə müraciətində seçki yarışından geri çəkilməsini estafeti gənc nəslə ötürmək niyyəti ilə izah edib.

“Ən yaxşısı məşəli gənc nəslə ötürmək idi, mən də buna qərar verdim. Bu, ölkəni birləşdirməyin ən yaxşı yoludur”, – deyə C.Baydenin müraciətində bildirilir.

ABŞ Prezidenti çıxışında İsrailin Qəzza zolağındakı əməliyyatını yekunlaşdırmaq niyyətində olduğunu bildirib. “Mən Qəzzada müharibəni dayandırmaq, bütün girovları evinə qaytarmaq, Yaxın Şərqə sülh və əmin-amanlıq gətirmək üçün işləməyə davam edəcəyəm”, – deyə o qeyd edib.