Rusiyadan Ukraynaya rekord sayda raket atılıb

Rusiya ötən ilin oktyabrından bu il yanvarın 26-dək Ukrayna ərazisinə təxminən 728 raket buraxıb.

Bu barədə yerli media məlumat yayıb. Bildirilib ki, Rusiya Ordusu Ukrayna ərazisinə 2022-ci il oktyabr ayında 210, noyabrda 190, dekabrda 235, 2023-cü ilin yanvar ayında isə 93 raket buraxıb.

Qeyd edilib ki, hesabat Ukrayna Silahlı Qüvvələrinin Baş Qərargahının gündəlik məlumatlarına əsasən hazırlanıb. Xatırladaq ki, Rusiya Ordusu Ukraynaya 2022-ci ilin payızından daha intensiv şəkildə raket hücumları həyata keçirir. Ötən ilin fevralın 24-dən davam edən müharibə nəticəsində hər iki tərəfdən itkilərin sayı durmadan artır, hərbi əməliyyat Ukraynada 500-ə yaxın uşağın ölümünə səbəb olub.