Türkiyədə dəhşətli yol qəzası | Ölən və yaralananlar var

Türkiyənin Mərsin şəhərinin Tarsus rayonunda yerləşən Yenicə qovşağında zəncirvari yol-nəqliyyat hadisəsində azı 10 nəfər ölüb, 39 nəfər yaralanıb.

“Anadolu” agentliyindən verilən məlumata görə, sərnişin avtobusu yolun əks tərəfinə keçərək 2 minik avtomobilinə və bir yük maşınına çırpılıb.

Qəzadan sonra Mərsin və Adana istiqamətlərində nəqliyyatın hərəkəti dayanıb. Əraziyə xilasetmə, təcili yardım və polis cəlb edilib.