Zelenski Trampdan nə xahiş etdi? - Gizli məktubun məğzi ortaya çıxdı

Donald Tramp Ukrayna Prezidenti Volodimir Zelenskinin onunla görüşməsini xahiş etdiyi məktubu yayıb.

Tramp məktubu özünün “Truth Social” sosial şəbəkəsində yayıb.

“Hörmətli Donald, ümid edirəm ki, yaxşısan. Cümə günü Nyu-Yorkda ola bilərəm və görüşmək üçün yaxşı vaxt olardı. Mən çox istərdim ki, bizim görüşümüz münaqişənin ədalətli həllinə yönəlmiş səylərimizin bir hissəsi kimi baş tutsun. Bir-birimizi başa düşməyə və sıx əlaqə saxlamağa çalışmalıyıq”, – məktubda qeyd olunub.

Məktubun sonunda Ukrayna Prezidenti “Hörmətlə, Volodimir” yazıb.

Zelenski sonuncu dəfə Trampla telefon danışığının həqiqətən də xoş olduğunu da qeyd edib.

Xatırladaq ki, BMT Baş Assambleyasının sessiyasında iştirak etmək üçün Nyu-Yorkda səfərdə olan Ukrayna Prezidenti Volodimir Zelenski Respublikaçılar Partiyasından prezidentliyə namizəd Donald Trampla görüşmək istəsə də, o bundan imtina edib.