Dünya
Pleyeri seçin:
Zurabişvili Kobaxidzeni istefaya çağırdı | Saakaşvilinin dövründə olmayan yeganə şey...
“Gürcüstan Baş naziri İrakli Kobaxidze böhranı həll edə bilmədiyi üçün istefa verməlidir”.
Bunu Gürcüstan Prezidenti Salome Zurabişvili ölkənin Birinci kanalına müsahibəsində deyib.
“Böhranı həll edə bilməyən Baş nazir dəyişdirilməlidir və o Baş nazir istefa verən kimi mən iki həftəyə seçki təyin etməliyəm. Bu kompromisdir, depolarizasiyadır, Gürcüstan üçün çıxış yolu, sabitlik, sülh, azad və demokratik gələcəkdir”, – S.Zurabişvili bildirib.
Onun sözlərinə görə, “Gürcü Arzusu” Saakaşvili dövründən də pis olub: “Gürcü Arzusu”nun bir arzusu var: onların yeganə rəqibi həmişə Mişa olsun. Bu gün “Gürcü Arzusu” Saakaşvilinin dövründə olduğundan daha pis olub. Onlar hər şeyi təkrarladılar və Saakaşvilinin dövründə olmayan yeganə şeyi – Rusiya, avtoritarizm, təkpartiyalı sistem, seçki saxtakarlığı, insan hüquqlarının pozulması əlavə edildi”.
Kopyalandı
Seçilmişlər
