İdarəetmədən çıxan avtomobil aşıb

Bakının Nərimanov rayonunda 2 avtomobil toqquşub.

Nuri Samir İlyas oğlu idarə etdiyi 99 KA 222 dövlət nömrə nişanlı "Hundai" markalı minik avtomobili ilə Heydər Əliyev prospektində hərəkətdə olarkən anidən idarəetməni itirib. Bu zaman nəqliyyat vasitəsi yol kənarındakı beton arakəsməyə çırpılıb. Zərbənin təsirindən avtomobil aşaraq digər yola keçib.

Nəticədə avtomobil digər yolda hərəkətdə olan və Məmmədov Zaur Rasim oğlunun idarə etdiyi "Volkswagen Passat" markalı avtomaşına çırpılıb.

Qəza zamanı xəsarət alan olmayıb, avtomobillər deformasiyaya uğrayıb.

Hadisə yerinə Nərimanov Rayon Polis İdarəsinin və DYP əməkdaşları cəlb olunub. İdarədən bildirilib ki, ilkin məlumata görə, hadisə "Hundai" markalı avtomobilin yolda yüksək sürətlə hərəkətdə olması səbəbindən baş verib.

Faktla bağlı araşdırma aparılır.

Kamil Əmirli

Elşad Mətləboğlu