2 yük avtomobili toqquşub, 1 nəfər ölüb, 1 nəfər yaralanıb
Sabunçu rayonunda ölümlə nəticələnən yol-nəqliyyat hadisəsi baş verib.
Qəza Zabrat qəsəbəsi istiqamətində qeydə alınıb.
"Qazel" markalı yük maşını yol nişanının tələbini pozaraq sola dönmə əməliyyatı etmək istəyib. Bu zaman nəqliyyat vasitəsi İslamov Soltanəli Güləli oğlunun idarə etdiyi "Kamaz" markalı yük avtomobilinə çırpılıb.
Zərbənin təsirindən "Kamaz" digər yük maşınını bir neçə metr irəliyə sürüyüb.
Hadisə zamanı "Qazel"-in sürücüsü və sərnişini ağır xəsarət alıblar.
Hər iki yaralı xəstəxanaya çatdırılıb. Həkimlərin səylərinə baxmayaraq, ağır yaralanan sərnişin xəstəxanada keçinib.
Qəza nəticəsində yolda tıxac yaranıb. Əraziyə Sabunçu Rayon Polis İdarəsinin və DYP əməkdaşları cəlb edilib.
Hadisənin təfərrüatı araşdırılır.
Kamil Əmirli
Elşad Mətləboğlu