Bakıda avtomobil salonunda yanğın olub
Nizami rayonunda yerləşən avtomobil salonunda yanğın hadisəsi baş verib.
Yanğın Mikayıl Əliyev küçəsindəki “Avtopro” avtomobil salonunda qeydə alınıb. Alov salonun “Servis” mərkəzində başlayıb.
İlkin məlumata görə, elektrik naqillərindən biri qırılaraq “Mercedes” markalı avtomobilin üzərinə düşüb.
Nəticədə nəqliyyat vasitəsi yanıb. Bir neçə avtomaşına da ziyan dəyib. Salonun mühafizəçisi 1954-cü il təvəllüdlü Həsənov Eldar Əhməd oğlu tüstüdən zəhərlənib.
Əraziyə FHN-in Nizami rayonu üzrə Yanğından Mühafizə Xidmətinin 3 texnikası və canlı qüvvəsi, təcili yardım briqadası və Nizami Rayon Polis İdarəsinin əməkdaşları cəlb edilib.
Alovlar söndürülüb, digər avtomobillər isə yanğından mühafizə olunub.
Təcili tibbi yardım briqadası hadisə zamanı xəsarət alan Eldar Həsənova ilkin tibbi yardım göstərib. Daha sonra zərərçəkmiş xəstəxanaya yerləşdirib.
Hadisənin təfərrüatı araşdırılır.
Kamil Əmirli
Elşad Mətləboğlu