2 avtomobil toqquşub, 7 nəfər yaralanıb

Sabunçu rayonunda baş verən yol qəzası zamanı yeddi nəfər xəsarət alıb.

Hadisə Yeni Ramana qəsəbəsində qeydə alınıb.

Abbasov Cəfər Mobil oğlu idarə etdiyi “Saipa” markalı avtomobillə Şuşa şəhərciyi yaşayış massivi istiqamətində hərəkətdə olarkən idaretməni itirib.

Nəticədə nəqliyyat vasitəsi qarşıdan gələn və Qurbanov Elçin Vəli oğlunun idarə etdiyi “Mercedes” markalı avtomobilə çırpılıb.

Hadisə nəticəsində hər iki avtomobilin sürücüləri və avtomobildə olan sərnişinlər, 1982-ci il təvəllüdlü Mirzəyev Rza Ziyəddin oğlu, 1983-cü il təvəllüdlü Kazımova Xatirə Tofiq qızı, 1987-ci il təvəllüdlü Əliyev Hüseyn Qəhrəman oğlu, 1987-ci il təvəllüdlü Əliyeva Günel Ələsgər qızı və 1993-cü il təvəllüdlü Ələsgərov Səddam Sədi oğlu xəsarət alıblar.

Yaralılar 3 saylı şəhər xəstəxanasına yerləşdirilib. Səddam Ələsgərova və Xatirə Kazımovaya qolun sınığı diaqnozu qoyulub. Digər yaralılara isə ilkin tibbi yardım göstərilib və ambulator müalicəyə buraxılıblar.

Əraziyə Sabunçu Rayon Polis İdarəsinin və DYP əməkdaşları cəlb olunub, avtotexniki ekspertiza təyin edilib.

Faktla bağlı araşdırma aparılır.

Kamil Əmirli

Elşad Mətləboğlu