Buzovna və Maştağada qəzada 3 nəfər yaralandı
Bakının Sabunçu rayonunda 1 nəfərin yaralanması ilə nəticələnən yol qəzası baş verib.
Hadisə rayonun Maştağa qəsəbəsində qeydə alınıb. Avtomobil yolu keçmək istəyən piyada 1992-ci il təvəllüdlü Vahidova Günel Vahid qızını vurub.
Yaralı 3 saylı Şəhər Klinik Xəstəxanasına çatdırılıb. Ona sağ bazunun və çanaq oynağının əzilməsi diaqnozu qoyub.
Baş verən digər yol qəzasında isə 2 nəfər xəsarət alıb.
Xəzər rayonu Buzovna kəndində hərəkətdə olan "QAZ 51" markalı minik avtomobilinin sürücüsü 1955-ci il təvəllüdlü Amayev Zaur Lətif oğlu anidən idarəetməni itirrib. Nəticədə avtomobil aşıb.
Qəza zamanı sürücü və avtomobildə olan sərnişin 1987-ci il təvəllüdlü Əliyev Elçin Mahmud oğlu müxtəlif dərəcəli bədən xəsarətləri alıblar.
Onlar 3 saylı Şəhər Kliniki Mərkəzinə aparılıb. Hadisə nəticəsində Zaur Amayev sağ dirsəyindən, Elçjn Əliyev isə döş qəfəsindən xəsarət alıb.
Hər iki faktla bağlı araşdırma aparılır.
Kamil Əmirli
Elşad Mətləboğlu