Qırmızı işıqda keçən sürücü qəza törətdi

Bakının Yasamal rayonu, Şərifzadə küçəsində yol qəzası baş verib.

İşıqforun qırmızı işığında sağa doğru manevr etmək istəyən “Mercedes” markalı avtomobil yaşıl işıqdan keçən “Hyundai” markalı maşınla toqquşub.

Qəza zamanı xəsarət alan olmasa da, sürücülər arasında mübahisə yaranıb. Əraziyə Yol Patrul Xidmətinin əməkdaşları cəlb edilib.

Məlum olub ki, “Mercedes”-in sürücüsü işıqforun qırmızı işığında geriyə dönmə əməliyyatı edib. Nəticədə qəza baş verib.

Faktla bağlı araşdırma aparılır.

Kamil Əmirli

Elşad Mətləboğlu