Köçkünlərin yataqxanasında yanğın olub

Hadisə
08 May 2019, 03:50
2,335

Bakının Binəqədi rayonu Dərnəgül qəsəbəsində yanğın baş verib.

Hadisə Səttar Bəhlulzadə küçəsində, məcburi köçkünlərin yaşadığı yataqxanada qeydə alınıb.

Yanğın dördmərtəbəli binanın 4-cü mərtəbəsində başlayıb. Hadisə zamanı evdə heç kim olmayıb. Bina sakinlərinin sözlərinə görə, yanğın həmin mərtəbədə narkotik vasitədən istifadə edənlər səbəbindən baş verib.

Məlumata görə, binada ümumilikdə 15 ailə məskunlaşıb. Hazırda onların bir qismi binadan köçürülüb.

Hadisənin dəqiq hansı səbəbdən baş verdiyi aparılan araşdırmalardan sonra məlum olacaq.

 

Kamil Əmirli

Elşad Mətləboğlu

ŞƏRH YAZ