Qızı yaşlı anasını döyərək küçəyə atıb

Hadisə
18 May 2019, 04:39
5,843

Bakının Nərimanov rayonunda 53 yaşlı Məhbubə Əkbərova öz qızı tərəfindən döyülüb.

Hadisə rayonun Rufulla Axundov küçəsində baş verib. 1966-cı il təvəllüdlü Əkbərova Məhbubə Allahyar qızı öz qızı, Arzu adlı xanım tərəfindən döyülüb. Zərərçəkən 1 saylı Kliniki Tibbi Mərkəzə yerləşdirilib.

Qızı tərəfindən bədənin müxtəlif nahiyələrinə zərbələr alan və qolu əzilərək döyülüb küçəyə atılan ana Nəsimi Rayon Mənzil Kommunal İstehsalat Birliyində süpürgəçi işləyir.

3 gündür küçədə və yaxınlıqdakı parkda gecələyən ananın sözlərinə görə, qızı onu mənzildən çıxarmaq istəyib. Evdən çıxmadığını gördükdə isə öz anasına zor tətbiq edərək döyüb. Ananın bildirdiyinə görə, qızı onu süpürgəçi olduğu üçün evdən qovub.

Məhbubə Əlbərova hadisədən sonra maaş kartının itdiyini də deyir. Zərərçəkən hadisə ilə bağlı Nərimanov Rayon Polis İdarəsinə müraciət edib.

Faktla bağlı Nərimanov Rayon 18-ci Polis Bölməsində  istintaq işi açılıb, araşdırma aparılır.

 

Kamil Əmirli

Elşad Mətləboğlu

ŞƏRH YAZ