Binəqədidə 2 otaqlı ev yanıb
Paytaxtın Binəqədi rayonunda mənzildə yanğın baş verib.
Hadisə rayonun Azadlıq Prospekti 172 ünvanında yerləşən 16 mərtəbəli yaşayış binasının 3-cü mərtəbəsində qeydə alınıb.
2 otaqlı mənzilin mətbəxində başlayan yanğın qısa zamanda digər otağa da keçib. Dərhal əraziyə FHN-nin Binəqədi və Nərimanov rayonları üzrə Yanğından Xilasetmə Xidmətinin 3 texnikası və canlı qüvvəsi, eləcə də təcili yardım briqadası cəlb edilib.
Yanğın zamanı 60 kv/m sahəli evin yanar konstruksiyaları yararsız vəziyyətə düşüb. Alovlar qısa zamanda söndürülüb, yanğının digər mənzillərə keçməsinin qarşısı alınıb.
Hadisə zamanı evdə heç kəs olmadığından yanğın nəticəsində xəsarət alan olmayıb.
İlkin ehtimala görə, hadisə mətbəxdəki elektrik sobasında yaranan qısaqapanmadan baş verib.
Faktla bağlı araşdırma aparılır.
Kamil Əmirli
Elşad Mətləboğlu