2 maşın toqquşub, biri marketin divarına çırpılıb

Bakıda Nərimanov rayonunda 2 avtomobil toqquşub. Hadisə Həsən Əliyev küçəsində baş verib.

Həsənov Zamin Rizvan oğlu 90-OX-623 dövlət nömrə nişanlı "Opel" markalı minik avtomobili ilə küçədə hərəkətdə olarkən idarəetməni itirib. Nəticədə avtomobil Əkbərov Ruslan Əli oğlunun idarə etdiyi 90-HJ-369 dövlət qeydiyyatlı digər "Opel" markalı minik maşını ilə toqquşub.

Zərbənin təsirindən Ruslan Əkbərovun idarə etdiyi "Opel" yaxınlıqdakı marketin divarına çırpılıb.

İlkin ehtimala görə, sürücülərdən biri içkili olub.

Faktla bağlı araşdırma aparılır.

Kamil Əmirli

Elşad Mətləboğlu