Gəncədə qəza zamanı 2 azyaşlı yaralanıb

Gəncədə avtomobillərin toqquşması nəticəsində 2 azyaşlı xəsarət alıb.

Hadisə şəhərin Şah İsmayıl Xətai prospektində qeydə alınıb.

Hikmət Abbaslı idarə etdiyi “Mercedes-Benz” markalı avtomobillə prospektdə hərəkətdə olarkən Vüsal Mamedovun idarə etdiyi “Zaporojets” markalı minik maşını ilə toqquşub.

Qəza nəticəsində 2 azyaşlı xəsarət alıb. 9 aylıq və 7 yaşlı iki uşaq xəsarət alıb. Yaralananlardan biri 2012-ci il təvəllüdlü Həsənov Hüseyn Qədir oğlu, digəri isə 2018-ci il təvəllüdlü Mamedova Şahnaz Vüsal qızı olub.

Hər iki azyaşlı müxtəlif dərəcəli bədən xəsarətləri ilə Gəncə şəhər 2 saylı Uşaq Xəstəxanasına yerləşdirilib.

Faktla bağlı Gəncə şəhər Baş Polis İdarəsində araşdırma aparılır.

Nazir Quliyev