Nobel prospektində 2 avtomobil toqquşub

Xətai rayonunda 2 avtomobil toqquşub.

Şahbazov Elçin Azər oğlu idarə etdiyi 90-OX-034 dövlət nömrə nişanlı "Mercedes" markalı minik avtomobili ilə Nobel pospektində hərəkətdə olarkən anidən idarəetməni itirib.

Nəticədə avtomobil Şərifov Elşən Nail oğlunun idarə etdiyi 90-ZA-083 dövlət qeydiyyatlı "Kia" markalı minik maşınına çırpılıb.

Zərbənin təsirindən "Kia" yol ayırıcı maneəyə çırpılıb. Hadisə nəticəsində xəsarət alan olmasa da, avtomobillərə ciddi ziyan dəyib.

Əraziyə Xatai Rayon Yol Patrul Xidmətinin əməkdaşları cəlb olunub. İlkin ehtimala görə, “Mercedes”-in sürücüsü yüksək sürətlə hərəkət etdiyindən idarəetməni itirərək qarşısındakı avtomillə toqquşub.

Faktla bağlı Xətai Rayon Polis İdarəsində araşdırma aparılır.

Kamil Əmirli

Elşad Mətləboğlu