Qəza törədən sürücü işıq dirəyini aşırıb

Nərimanov rayonunda yol-nəqliyyat hadisəsi baş verib.

Qəza Heydər Əliyev prospektində, metronun “Koroğlu” stansiyasının yaxınlığında qeydə alınıb. Hadisə şahidlərinin sözlərinə görə, minik avtomobilinin təkərində nasazlıq yarandığından sürücü idarəetməni itirib. Nəticədə nəqliyyat vasitəsi yol kənarındakı işıq dirəyinə çırpılıb.

Zərbənin təsirindən işıq dirəyi aşıb.

İlkin məlumata görə, avtomobildə 1 uşaq və 2 qadın olmaqla, ümumilikdə 4 nəfər olub.

Məlumata görə, qəza zamanı xəsarət alan olmayıb. Hadisədən sonra ərazidə güclü tıxac yaranıb.

Faktla bağlı araşdırma aparılır.

Kamil Əmirli

Elşad Mətləboğlu