Avtomobili ağaca çırpan sürücü yaralanıb

Suraxanı rayonunda sürücü avtomobili ağaca çırpıb, 1 nəfər yaralanıb.

Hadisə Zığ şossesində baş verib. 1991-ci il təvəllüdlü Qurbanov Vüsal Qərib oğlu idarə etdiyi minik avtomobili ilə hərəkətdə olarkən anidən idarəetməni itirib. Nəticədə nəqliyyat vasitəsi yol kənarındakı ağaca çırpılıb.

Hadisə zamanı sürücü baş nahiyəsindən xəsarət alıb. Yaralı xəstəxanaya çatdırılıb.

İlkin məlumata görə, V.Qurbanov avtomobillə hərəkətdə olarkən anidən qarşısına piyada çıxıb. Sürücü piyadanı vurmamaq üçün avtomobili kənara çəkərkən qəza baş verib.

Faktla bağlı araşdırma aparılır.

Kamil Əmirli

Elşad Mətləboğlu