Ermənilərin təhlükəsizlikləri təmin olunmalıdır | Rusiya XİN

“Azərbaycanın Qarabağ bölgəsində Rusiya sülhməramlı kontingentinin fəaliyyəti ilə bağlı dialoq müntəzəm xarakter daşıyır və konstruktiv şəkildə qurulur”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova fevralın 14-də keçirdiyi brifinqdə "News.ru"nun sualını cavablandırarkən deyib.

“Rusiya sülhməramlı kontingentinin fəaliyyəti ilə bağlı növbəti Rusiya-Azərbaycan təmaslarına hazırlıq davam edir. Bu sahədə dialoqumuz müntəzəm xarakter daşıyır. Müzakirə olunan məsələlər arasında erməni əhalisinin Qarabağa qayıtması perspektivləri də var. Onların hüquqları və təhlükəsizlikləri təmin edilməlidir”, – o qeyd edib.

Rusiya-Ermənistan münasibətlərindən də danışan M.Zaxarova əlavə edib ki, Ermənistanın Beynəlxalq Cinayət Məhkəməsinin Roma Statutuna qoşulması iki ölkə arasında münasibətlərə yaxşı təsir göstərmir.