Zəfər parkında Vətən müharibəsi qəhrəmanlarının xatirəsi anıldı

Torpaqlarımızın 30 illik düşmən işğalından azad olunmasından 4 il ötür.

Prezident İlham Əliyev sentyabrın 27-də – Anım Günündə Bakıda inşası davam etdirilən Zəfər parkında olub.

Qeyd edək ki, 2020-ci il sentyabrın 27-də erməni təxribatlarının qarşısının alınması üçün Azərbaycan Silahlı Qüvvələrinin başlatdığı əks-hücüm 44 günlük müharibə və ərazilərimizin erməni işğalından azad olunması ilə nəticələnib. Hərbi toqquşmalar zamanı 2908 Azərbaycan əsgəri şəhid olub, mindən çox əsgər yaralanıb və 6 nəfər itkin düşüb, həmçinin 94 mülki şəxs öldürülüb, 400-dən çox mülki şəxs yaralanıb.