“100 ailənin yarısı tələf olub” | Qax arıçıları çıxılmaz vəziyyətdə - Baku TV

Qax rayonunda arıçılar çətin vəziyyətlə üzləşiblər. Kütləvi yayılan xəstəlik nəticəsində arı ailələri tələf olur.

Arıçılar bildirirlər ki, təsərrüfatlarda arıların sayı 30-40 faiz azalıb.

Arıçı Əşrəf İsayevin sözlərinə görə, belə vəziyyətlə ilk dəfə qarşılaşır:

“Arı ailələri yuvanı tərk edib gedir. 100 arı ailəsinin yarısı tələf olub. Bir arı ailəsini 200 manat hesablasaq, təxminən 10 min manat zərərim var. Aparılan nalizlərin nəticələrinə əsasən, 4-5 növ virus müəyyən edilib. Viruslar Türkiyədə laboratoriyada yoxlanılıb. Hazırda xəstəliyin qarşısını almaq üçün dərman yoxdur”.

Arıçılar həmçinin bildirirlər ki, təsərrüfatlarda yayılan xəstəlik balın qiymətinin bahalaşmasına səbəb ola bilər.