"Xarici qonaqların diqqət mərkəzindədir" | Prezidentin WUF13-də bəhs etdiyi Kiş məbədi - Baku TV

Baku TV Prezident İlham Əliyevin Ümumdünya Şəhərsalma Forumunun 13-cü Sessiyasının açılış mərasimində bəhs etdiyi Şəkinin Kiş məbədi haqqında reportaj hazırlayıb.

Bələdçi Gülnaz Rəsulova məbəd barədə məlumat verərkən bildirib ki, Şəki öz tarixi abidələri, hətta UNESCO-ya daxil olan nümunələri ilə həm yerli, həm də xarici turistlərin diqqət mərkəzindədir:

“Bu abidələrdən biri də Şəkinin Kiş kəndində yerləşən Kiş alban məbədidir. Bu kilsə yalnız Azərbaycanda deyil, bütün Qafqazda xristianlığın ilkin təməlini qoyan abidələrdən biri hesab olunur. Araşdırmalar göstərib ki, kilsə inşa edilməzdən əvvəl də bu ərazi albanların dini mərkəzi olub. Çünki burada aparılan qazıntılar zamanı kilsədən əvvəl mövcud olmuş qədim Ay məbədinin qalıqları tapılıb. Bu qalıqlar üzərində eramızın I əsrində müqəddəs Yeliseyin Azərbaycana gəlməsi və burada kilsə inşa etməsi ilə xristianlığın təməli qoyulub. O zaman insanlar burada dini fəaliyyətlə məşğul olduğuna görə müqəddəs Yelisey ilk kilsəni məhz bu ərazidə qurmuş və xristianlığın yayılmasının əsası qoyulmuşdur”.