"Valideyn qaça-qaça gəldi ki..." | Məktəbin həyətində heç kimin ağlına gəlməyən tapıntı - Baku TV

Quba rayonunun Alpan kəndində yerləşən məktəbin həyətində quyu aşkarlanıb.

Əraziyə aidiyyəti qurumların əməkdaşları baxış keçirib, araşdırmaların aparılacağı bildirilir. Quyunun ətrafında təhlükəsizlik tədbirləri görülüb.

Müəllim Məharət Dadaşov məsələ ilə bağlı Baku TV-yə açıqlamasında bildirib:

“Dərs zamanı bir valideyn qaça-qaça gəlib quyu barədə məlumat verdi. Çölə çıxdım və məktəbin binasından bir neçə metr aralıda diametri təxminən 60 sm olan dəlik gördüm. Quyu torpaq qatından bir metr yarım sonra başlayır. Arxeoloq da gəldi və dərinliyinin üç metrdən çox olduğunu təsdiqlədi. Bura əvvəllər bəylərin yaşadığı yer olub və yəqin ki, indi məktəb həmin ərazidə yerləşir. Quyunun forması maraqlıdır və araşdırılmasına ehtiyac var”.