Şəkidə leysan və güclü külək fəsadlar törədib

Şəkidə leysandan sonra əsən şiddətli külək bir sıra fəsadlar törədib. Elektrik və telefon naqilləri qırılıb.

Şəhərin Sabit Rəhman küçəsindəki 14 nömrəli binanın dam örtüyünü külək qopararaq həyətdəki avtomobillərin üzərinə atıb. Dam örtüyünün bir hissəsi isə digər binanın həyətinə düşüb.

Yuxarı mərtəbələrdəki mənzillərə dolan yağış suyu evin əşyalarını və divarlarını yararsız vəziyyətə salıb.

“Fəlakət olandan sonra yenə də evimə yağış damır, hələ üstünü örtüb qurtarmayıblar”, – deyə bina sakini qeyd edib.