Azərbaycan Somaliyə dəstək verməyə hazırdır | Tələbələrlə bağlı açıqlama

“Azərbaycan Somaliyə humanitar dəstək göstərməyə hazırdır”.

Bunu Azərbaycanın xarici işlər naziri Ceyhun Bayramov Somalinin xarici işlər və beynəlxalq əməkdaşlıq naziri Əhməd Moallim Fiqi Əhməd ilə birgə keçirilən mətbuat konfransında deyib.

"Azərbaycan Somaliyə humanitar dəstək göstərməyə hazırdır. Azərbaycanın İslam Əməkdaşlıq Təşkilatı ölkələri üçün təhsil proqramı mövcuddur və artıq Somalidən olan bir sıra gənclər bundan faydalanıb. Biz Somalidən olan dostlarımızı bu proqramdan daha fəal şəkildə iştirak etməyə təşviq edirik. Hesab edirik ki, iki ölkə münasibətləri kontekstində çox önəmli bir istiqamətdir”, – deyə nazir qeyd edib.