Kambocanın yeni şəhərsalma strategiyası | Ölkə rəsmisi nələrdən danışdı? - Baku TV

Məqsədimiz yalnız ev tikmək deyil, hər kəsin ev sahibi olmasına şərait yaratmaqdır.

Bunu Baku Tv-yə müsahibəsində Kamboca Baş nazirinin müavini Say Sam Al bildirib.

“Biz həmçinin iş, gəlir, qida, təhsil və sağlamlığı nəzərə alırıq. Hər ailənin istirahət etməsi və uşaqların təhsil alması önəmlidir. Şəhər dizaynı insanların gəzə biləcəyi, idman edə biləcəyi mühit yaratmaqla əlaqəlidir. Eyni zamanda təhsil və iqtisadiyyatın şaxələndirilməsini də diqqətdə saxlayırıq. İşçi qüvvəsini təkmilləşdirərək onlara uyğunlaşmalı və ölkəmiz üçün planlaşdırdığımız məqsədlərə çatmalıyıq”, – deyə Kamboca rəsmisi bildirib.

O qeyd edib ki, Kamboca son illərdə şəhər infrastrukturunun inkişafında əhəmiyyətli irəliləyişlər göstərib:

“Yol infrastrukturu, təmiz su və elektrik əsas prioritetlərdir və bunları qısa müddətdə tamamlamalıyıq. Bundan əlavə, rəqəmsal infrastruktur şəhəri yaşayış üçün əlverişli edir və həm gənc nəsil, həm də yaşlı əhali üçün birgə yaşama imkanı yaradır”.