Paşinyandan sərhəd paylaşımı | Armavir vilayətinə səfərinin məqsədi
Ermənistanın Baş naziri Nikol Paşinyan iyulun 26-da Azərbaycanla sərhəddə yerləşən Armavir vilayətinə gedib.
Bu barədə o, özünün "Facebook" hesabında məlumat verib.
Bildirib ki, 2023-cü ildə həyata keçirilən və icrası davam edən proqramlarla tanış olmaq üçün Armavir vilayətinə səfər edib.
N.Paşinyan səfəri zamanı Ermənistan-Türkiyə sərhədində modernləşdirilmiş Marqara keçid məntəqəsinə də baş çəkib. Onu Dövlət Gəlirləri Komitəsinin rəhbəri Rüstəm Badasyan müşayiət edib. Baş nazir sərhəd-keçid məntəqəsinin imkanları ilə tanış olub, ərazini gəzib.
Məlumat üçün bildirək ki, Nikol Paşinyan yaxın günlərdə sərhədyanı Tavuş bölgəsinə də səfər etməyə hazırlaşır. Onun Tavuş bölgəsinə sonuncu səfəri iyulun 6-da olub və bu səfər zamanı Baş nazir demarkasiya olunmuş Kirants kəndinə baş çəkib.