Rusiya ordusunun hücumu zamanı Azərbaycan səfirliyinin binası yaxınlığına raket düşüb - Baku TV

Mayın 24-ü gecədən səhərə qədər Ukrayna paytaxtı Kiyev yenidən kütləvi raket və dron hücumlarına məruz qalıb. Nəticədə, paytaxtın mərkəzi və ətraf rayonları, o cümlədən Şevçenko rayonunda yerləşən “Lukyanovka” bazarının ətrafı ciddi dağıntılara uğrayıb.

Baku TV-nin Şərqi Avropa bürosunun əməkdaşı Mübariz Aslanov bildirib ki, bazar demək olar ki, tamamilə yanaraq məhv olub.

“Qeyd etmək lazımdır ki, bu ərazi Azərbaycanın Ukraynadakı səfirliyinin cəmi 500–600 metr məsafəsində yerləşir. Hazırda yanğının qarşısının alınması üçün tədbirlər görülür. Ümumilikdə paytaxta endirilən zərbələr nəticəsində ölən və yaralananların olduğu bildirilir. Bu şəxslərin sayı dəqiqləşdirilir”, – deyə o əlavə edib.