2025-ci il üçün bayram günləri | Qeyri-iş günlərinin sayı və tarixi açıqlandı

Gələn il Novruz bayramında bir həftə qeyri-iş günü olacaq.

Nazirlər Kabinetinin qərarına əsasən, 2025-ci il martın 20, 21, 22, 23, 24-ü Novruz bayramı günləri müəyyən edilib.

Gələn il 22 və 23 mart tarixləri şənbə və bazar günlərinə təsadüf etdiyi üçün Əmək Məcəlləsinə uyğun olaraq, 25 və 26 mart tarixləri qeyri-iş günləri olacaq.

Beləliklə, Novruz bayramında ardıcıl 7 gün – 20, 21, 22, 23, 24, 25 və 26 mart qeyri-iş günləri olacaq.

2025-ci il martın 30 və 31-i isə Ramazan bayramı günləri müəyyən edilib. Gələn il 30 mart bazar gününə təsadüf etdiyi üçün Əmək Məcəlləsinə uyğun olaraq, 1 aprel də qeyri-iş günü olacaq. Beləliklə, Ramazan bayramında ardıcıl 3 gün – 30 və 31 mart, eləcə də 1 aprel qeyri-iş günləri olacaq.

İyunun 6, 7-si isə Qurban bayramı günləri müəyyən edilib. Gələn il 7 iyun şənbə gününə təsadüf etdiyi üçün 9 iyun da qeyri-iş günü olacaq. Beləliklə, 8 iyun bazar gününə təsadüf etdiyi üçün gələn il Qurban bayramında ardıcıl 4 gün – 6, 7, 8 və 9 iyun tarixləri qeyri-iş günləri olacaq.