Alatavadakı qanunsuz söküntü ilə bağlı daha bir nəfər həbs edildi | Detallar açıqlandı

Yasamal rayonu, Birinci Alatava massivində aparılan qanunsuz söküntü işləri ilə bağlı saxlanılan “Melissa Group” tikinti şirkətinin sahibi Qalib Məmmədova verilən ittiham məlum olub.

Belə ki, sözügedən şəxsə Cinayət Məcəlləsinin əmlakı qəsdən məhv etmə və ya zədələmə maddəsi ilə ittiham verilib.

İttiham öz təsdiqini taparsa, təqsirləndirilən şəxs üç ildən yeddi ilədək müddətə azadlıqdan məhrum edilə bilər.

Qeyd edək ki, Xətai Rayon Məhkəməsində Qalib Məmmədovun müdafiəçiləri tərəfindən verilən ev dustaqlığı ilə bağlı vəsatət rədd edilib və onun barəsində 1 ay müddətinə həbs qətimkan tədbiri seçilib.

Eyni zamanda cinayət işi üzrə iş icraçısı və ekskavotorun sürücüsü Qala Eynullayev də məsuliyyətə cəlb olunub. Ona da eyni ittihamlar verilib və Xətai Rayon Məhkəməsinə onun barəsində təqdimat daxil olub. Onun barəsində də 1 ay müddətinə həbs qətimkan tədbiri seçilib.