Alimlər nəticəyə inana bilmədi | Autizmlə bağlı inqilabi yenilik

Yaponiya və Böyük Britaniyadan olan beynəlxalq alimlər qrupu autizmdə ünsiyyət çətinlikləri ilə bağlı ənənəvi fikirləri alt-üst edən inqilabi məlumatlar təqdim edib.

Tədqiqat “Molecular Autism” elmi jurnalında dərc olunub.

Doktor Bianka Şusterin rəhbərlik etdiyi Vaseda Universitetinin alimləri autizmli və autizmli olmayan yaşlıları əhatə edən unikal tədqiqat aparıblar.

Alimlər hərəkətli üçbucaqların animasiyalarından istifadə edərək iştirakçıların sosial səhnələri şərh etmək bacarığını təhlil ediblər.

Nəticələr gözlənilməz olub. Böyük Britaniyadan olan neyrotipik iştirakçılar autizmli insanların yaratdığı animasiyaları başa düşməkdə daha çox çətinlik çəkiblər.

Yaponiyanın autizmli iştirakçıları isə daha yaxşı nəticə əldə ediblər. Bu, ünsiyyətdə mədəni kontekstin əhəmiyyətini nümayiş etdirib.

Tədqiqat bir-birini başa düşməkdə çətinliklərin autizmli insanlarda idrak qüsurlarından deyil, insanların dünyanı necə qavradıqlarındakı fərqlərdən yarandığını irəli sürən “ikili empatiya” nəzəriyyəsini dəstəkləyib.

Mütəxəssislər müxtəlif növ sinir sistemi quruluşuna malik insanların xüsusiyyətlərini nəzərə alan universal mühitin yaradılmasını tələb ediblər.